"Bibopalula", as aventuras da banda do bosque

'Bibopalula' conta as aventuras da Banda do Bosque, un grupo musical formado por un paporrubio, un merlo, unha pega e un picapau. 

Os ciclos naturais do bosque, desde a chegada do inverno ata a das cegoñas, son tamén protagonistas da serie e das cancións da Banda do Bosque. 

Destinada a espectadores de entre 3 e 6 anos, 'Bibopalula' quere acompañar as primeiras miradas sobre o medio natural.

Move o corpo!

Kókiti - Move o corpo

Ponte moi contento e provoca un movemento

con posturas do dereito e do revés.

Fai que o teu corpo se active e con iso se motive

para todo o que hai que facer.

Move os nocellos, os xeonllos, as cadeiras,

a cabeza ou mete un dedo no nariz.

Salta con todas as forzas con dous pés ou pata coxa

ata que parezas un delfín.

Move o corpo dunha vez

dende os pés ata o nariz.

Move o corpo dunha vez

e serás feliz.